Stefna og framtíðarsýn VIRK

Markmið og hlutverk

Markmið og hlutverk VIRK er að efla starfsgetu einstaklinga með heilsubrest sem stefna að aukinni þátttöku og virkni á vinnumarkaði.

VIRK skilar samfélagslegum ávinningi með snemmbærri og árangursríkri starfsendurhæfingu og forvörnum sem mæta þörfum einstaklinga og atvinnulífs.

Til að ná fram þessari framtíðarsýn verður unnið að eftirfarandi áherslum næstu árin:

Starfsendurhæfing VIRK er markviss og árangursrík og tekur mið af nýjustu þekkingu, rannsóknum og reynslu á hverjum tíma
Áhersla er lögð á að lágmarka bið eftir þjónustu og að einstaklingar fái góðar upplýsingar og viðeigandi fræðslu á biðtíma
Veitt er viðeigandi þjónusta á réttum tíma. Áhersla er að koma snemma að málum í starfsendurhæfingu í samstarfi við atvinnulíf, stéttarfélög, heilbrigðiskerfið og samstarfsstofnanir
Hjá VIRK er lögð áhersla á þverfaglegt samstarf þar sem markmiðið er að veita árangursríka og samfellda þjónustu
Atvinnutenging er lykilþáttur í starfsendurhæfingu hjá VIRK þar sem þátttaka á vinnumarkaði er mikilvægur
hluti af starfsendurhæfingarferlinu
VIRK er í góðu samstarfi við atvinnulífið og veitir viðeigandi stuðning við bæði einstaklinga og stjórnendur
VIRK er leiðandi í rannsóknum og þróun á starfsendurhæfingu
VIRK er leiðandi í öflun og miðlun þekkingar á starfsendurhæfingu hér á landi
VIRK nýtir upplýsingar og nýjustu tækni með það að markmiði að auka skilvirkni, gæði og árangur þjónustunnar

VIRK veitir þjónustu á sviði forvarna sem hefur það að markmiði að auka starfsgetu og þátttöku á vinnumarkaði. Lögð er áhersla á að efla bæði starfsfólk og stjórnendur til sjálfshjálpar
Forvarnaþjónusta fyrir einstaklinga miðar að því að viðhalda og efla þátttöku þeirra á vinnumarkaði. Þjónustan er veitt samhliða atvinnuþátttöku
Forvarnaþjónusta fyrir fyrirtæki og stofnanir er í formi upplýsingamiðlunar, samstarfs og fræðslu
Forvarnaþjónusta VIRK er veitt í nánu samstarfi við fyrirtæki, stofnanir og fagaðila
VIRK stuðlar að aukinni þekkingu á sviði forvarna með þátttöku í rannsóknum og þróun

VIRK kemur þjónustu sinni á framfæri við almenning á skýran og fjölbreyttan hátt
Vitundarvakningar eru nýttar með það að markmiði að hafa jákvæð áhrif á samfélagið og auka möguleika einstaklinga með skerta starfsgetu á vinnumarkaði
VIRK tekur þátt í að vinna að og styðja nauðsynlegar kerfisbreytingar á vinnumarkaði og innan velferðarkerfisins sem hafa það að markmiði að auka velferð og starfsgetu einstaklinga
VIRK safnar og miðlar reglulega og á fjölbreyttan hátt upplýsingum og fræðslu um nýjustu strauma og stefnur á sviði starfsendurhæfingar
VIRK leggur sérstaka áherslu á að miðla upplýsingum og eiga reglulegt samtal um þjónustu og árangur VIRK við eftirfarandi aðila:
- Einstaklinga í þjónustu
- Þjónustuaðila sem eru í samstarfi við VIRK
- Stofnanir velferðarkerfisins
- Atvinnurekendur
- Stéttarfélög
- Lífeyrissjóði
- Ráðuneyti
- Stjórnmálaflokka og kjörna fulltrúa þeirra

VIRK er eftirsóttur vinnustaður þar sem fjölbreyttur hópur starfsfólks vinnur að sameiginlegu markmiði
VIRK leggur áherslu á heilsusamlegt og eflandi vinnuumhverfi
Hjá VIRK er góð vinnustaðamenning sem einkennist af uppbyggjandi samskiptum og góðu upplýsingaflæði
Hjá VIRK er lögð áhersla á vellíðan og árangur og að starfsfólk fái tækifæri til að eflast og þróast í sínu starfi